आशिका तामाङ दोषी ठहर: सुनायो कैद सजाय

काठमाडौँ । भक्तपुर जिल्ला अदालतले आशिका तामाङ र अर्का प्रतिवादी शरण तिरूवालाई आपराधिक उपद्रवको मुद्दामा दोषी ठहर गर्दै पाँच-पाँच दिन कैद सजाय सुनाएको छ।

न्यायाधीश विश्वनाथ भट्टराईको इजलासले उनीहरूलाई सूर्यविनायक नगरपालिकाले साँगामा निर्माण गरेको झोलुङ्गे पुलमा रकम उठाउने कार्यमा अवरोध पुर्‍याएको र नगरपालिकाले टाँसेको सूचना च्याउने आरोपमा दोषी ठहर गरेको हो।

अदालतले दुवै प्रतिवादीलाई पाँच सय रुपैयाँ जरिवाना तिर्न आदेश गर्दै पीडितलाई दामासाहीमार्फत ८ हजार ३ सय रुपैयाँ क्षतिपूर्ति र पीडित राहत कोषमा जनही २०० रुपैयाँ बुझाउन समेत आदेश दिएको छ।