रुसमा आतंकवादीद्वारा आक्रमण हुँदा कम्तीमा ६० जनाको मृत्यु

मस्को । रुसमा एउटा कन्सर्ट हलमा आतंकवादीद्वारा आक्रमण हुँदा कम्तीमा ६० जनाको मृत्यु भएको छ । रुसी समाचार एजेन्सीका अनुसार यो घटना मस्को नजिकैको क्रोकस सिटी हलमा भएको हो ।

त्यहाँ कन्सर्ट हुन लागेको थियो । बीबीसी रसियाका सम्पादक स्टिभ रोजेनबर्गका अनुसार कन्सर्टअघि भेषमा हलभित्र प्रवेश गरेका हतियारधारीहरूले अन्धाधुन्ध गोली चलाउदा उनीहरुको मृत्यु भएको हो ।

यस्तै, सोही घटनामा परेर १०० जनाभन्दा घाइते भएका छन् । भवनमा आगलागी भएको र धेरै मानिस भित्र फसेको अनुमान गरिएको छ ।
घटनास्थलमा पुगेका सुरक्षाकर्मीले बेसमेन्टबाट करिब एक सय जनाको उद्धार गरेका थिए ।–एजेन्सी