हेटौंडाबाट लागूऔषधसहित दुलाल पक्राउ

मकवानपुर । मकवानपुरको हेटौंडा उपमहानगरपालिका वडा नम्वर १० बसपार्कबाट लागूऔषधसहित प्रहरीले एक जनालाई पक्राउ गरेको छ ।
प्रहरीले लागूऔषध नाईट्राभेट ३० ट्याबलेटसहित बागमती गाँउपालिका वडा नं. ८ बस्ने २६ वर्षीय तारानाथ दुलाललाई पक्राउ गरेको जनाएको छ ।

उनलाई प्रहरी चौकी बसपार्क मकवानपुरबाट खटिएको प्रहरी टोलीले पक्राउ गरेको हो । बसपार्कस्थित अग्नी बस काउण्टर नजिक शंकास्पद रुपमा बसिरहेका दुलाललाई खानतलासी गर्दा उक्त परिमाणको लागूऔषध बरामद भएपछि निजालाई पक्राउ गरिएको हो ।

प्रहरीका उनले आफ्नो पाईन्टको खल्तिभित्र लुकाई छिपाई गरी राखेको अवस्थामा उक्त लागूऔषध नाईट्राभेट परेको हो । दुलाललाई नियन्त्रणमा लिएर मकवानपुर जिल्ला अदालत हेटौंडाबाट ७ दिनको म्याद अनुमति लिएर थप अनुसन्धान कार्य भइरहेको जनाएको छ ।