४ जना मृत अवस्थामा फेला

काठमाडौं । विभिन्न स्थानमा ४ जना मृत अवस्थामा फेला परेका छन् । प्रहरी प्रधान कार्यालयका अनुसार, देशको सिन्धुली, सुनसरी, पर्सा र रुपन्देही जिल्लाको छुट्टाछुट्टै स्थानबाट ४ जना अवस्थामा फेला परेको हो ।

सिन्धुलीको तिनपाटन गाउँपालिका–९ बर्मेली खोलामा सोही गाउँपालिका–९ बतासेडाँडा बस्ने ७९ वर्षीय टंकमान कामी सोमबार मृत अवस्थामा फेला परेका छन् ।

यसैगरी, सुनसरीको बराहक्षेत्र नगरपालिका–१ बराहक्षेत्र बजारस्थित टंक मगरको घरमा हाल बखत नखुलेका अन्दाजी ५० वर्षीय राजु माझी नाम गरेका व्यक्ति मंगलबार मृत अवस्थामा फेला परेका छन् ।

यता, पर्साको वीरगंज महानगरपालिका–१७ अलौस्थित पोखरीमा पनि हाल नाम, थर, बतन नखुलेकी अन्दाजी ६० वर्षीया महिला सोमबार मृत अवस्थामा फेला परेकी छन् ।

यसैगरी, रूपन्देहीको बुटवल उपमहानगरपालिका–७ शिबनगरस्थित सामुदायिक वनको खोल्सामा हाल नाम, थर, बतन नखुलेका अन्दाजी ४० वर्षीय पुरूष सोमबार मृत अवस्थामा फेला परेका छन् ।

ती सबै घटनाको बारेमा प्रहरीले आवश्यक अनुसन्धान गरिरहेको जनाएको छ ।