काठमाडौं मैतीदेवीमा दुई किशोरीमाथि छुरा प्रहार

काठमाडौं । काठमाडौंको मैतीदेवीमा दुई जना किशोरीमाथि छुरा प्रहार भएका छ जिल्ला प्रहरी परिसर काठमाडौंका अनुसार, ललितपुर घर भएकी एक युवती र गोरखा घर भएकी अर्की युवती गरी दुई युवतीमाथि छुरा प्रहार भएको हो ।

छुरा प्रहारबाट एक जनाको टाउकोमा र अर्की युवतीको घाँटीमा चोट लागेको छ । भारतको राजस्थान घर भएर मैतीदेवी बस्ने युवकले छुरा प्रहार गरेको प्रारम्भिक अनुसन्धानबाट थाहा भएको प्रहरीले जनाएको छ ।

उक्त घटना गत माघ २४ मा साँझको हो । तर, यसबारे प्रहरीले सार्वजनिक गरेको छैन ।

छुरा प्रहारमा संलग्न युवक भारतबाट आएको र विवाद भएपछि छुरा प्रहार गरेर भागेको प्रहरी अधिकारीहरू बताउँछन् ।

घटना युवकको कोठामा भएको हो । छुरा प्रहारको कारणबारे जिल्ला प्रहरी परिसर काठमाडौंले आवश्यक अनुसन्धान गरिरहेको छ ।