हेटौंडा जेसीज निर्वाचन अपडेटः मतगणना सुरु

मकवानपुर । हेटौंडा जेसीज वर्ष २०२४ को लागि नयाँ कार्यसमिति चयन गर्न आज भएको निर्वाचनको मतगणना सुरु भएको छ । कूल १७६ जना मतदातामध्ये १६७ जना मतदान प्रक्रियामा सहभागी भएका थिए भने ९ जना अनुपस्थित रहे । सहमतिबाट नेतृत्व चयन गर्ने प्रयास सफल नभएपछि निर्वाचन भएको हो ।

वर्ष २०२३ का कार्यकारिणी उपाध्यक्ष द्वय विकेशलाल श्रेष्ठ र अमृत बर्तौला वर्ष २०२४ को अध्यक्ष पदका लागि प्रतिस्पर्धामा छन् ।

त्यस्तै कार्यकारिणी उपाध्यक्ष पदमा विश्वप्रसाद गौतम, जीवन ढकाल, विवेकानन्द न्यौपाने र विपिन ताम्राकार प्रतिस्पर्धामा छन् ।
उपाध्यक्ष पदमा भने रमेश काफ्ले, रमेश पराजुली, विश्वास पराजुली, आतिष दाहाल, किरण आले र विवेक फुँयाल उम्मेदवार छन् ।

निर्वाचनबाट अध्यक्ष, कार्यकारिणी उपाध्यक्ष २ जना र उपाध्यक्ष ४ जना गरी जम्मा ७ जना निर्वाचित हुन्छन् । मतगणनाको तयारी भइरहेको र केही बेरमा नै सुरु हुने जनाइएको छ ।