टिकटक बन्द गर्ने निर्णयविरुद्धका रिटमा आज सुनुवाइ हुँदै
तु खबर संवाददाता२०८० मंसिर १९,मंगलवार ०८:४२
काठमाडौं । टिकटक बन्द गर्ने सरकारको निर्णयविरुद्ध सर्वोच्च अदालतमा परेको रिटमा आज सुनुवाइ हुने भएको छ ।
सरकारको निर्णयमा सर्वोच्चले कारण देखाउ आदेश जारी गर्दै आजका लागि पूर्ण सुनुवाइको मिति तोकेको थियो ।
उक्त निर्णयविरुद्ध १४ रिट दर्ता भएको थियो । न्यायाधीश विनोद शर्माको इजलासले मंसिर १५ भित्र टिकटक बन्द गर्नुको कारणसहितको लिखित जवाफ पेस गर्न आदेश गरेको थियो ।
गत २७ कात्तिकमा मन्त्रिपरिषद्को निर्णयबाट सरकारले टिकटक बन्द गर्ने निर्णय गरेको थियो ।
