हेटौंडामा खागको टोकाईबाट दुई महिला घाइते

मकवानपुर । मकवानपुरको हेटौंडामा सोमबार खाग (जंगली माहुरी) को टोकाईबाट दुई महिला घाइते भएका छन् ।

घाइते हुनेहरुमा हेटौंडा उपमहानगरपालिका वडा नम्वर १६ चिसापानी बस्ने ३२ वर्षीया सरु दंगाल र ४५ वर्षीया मन्दिरा घिमिरे रहेका छन् ।

खागको टोकाईबाट दुवैको अनुहार र टाउकोमा दखल पुगेको मकवानपुरका प्रहरी नायव उपरीक्षक लक्ष्मी भण्डारीले जानकारी दिए ।

प्रहरी नायव उपरीक्षक भण्डारीका अनुसार, घाइतेमध्ये सरु दंगाललाई हेटौंडा अस्पतालमा उपचार सम्भव नभएपछि थप उपचारको लागि चितवनको भरतपुर रिफर गरिएको छ ।

अर्का घाइते मन्दिराको भने हेटौंडा अस्पतालमा उपचार भइरहेको छ । घाइते उनीहरु छिमेकी हुन् ।