दोहोरो अंकले बढ्यो नेप्से, ९३ करोडमाथिको कारोबार

काठमाडौं । आज साता कारोबारको दोस्रो दिन अर्थात सोमबार नेप्से दोहोरो अंकले बढेको छ ।

सोमबार नेप्से परिसूचक २१.३० अंकले बढेर १८४७.५४ विन्दुमा कायम भएको हो ।

यस्तै, आज नेप्सेमा सूचीकृत २८३ कम्पनीहरुको ३५ लाख ५५ हजार ६७० कित्ता शेयर किनबेच भएको छ भने ९३ करोड ८९ लाख २९ हजार बराबरको कारोबार भएको छ ।

यसैगरी आज नेप्से बढेसँगै १३ वटै उपसूचकमा हरियाली छाएको छ । आज होटल तथा पर्यटन उपसूचकमा ३.७३ प्रतिशतको उछाल आएको छ ।