बुधबार शेयर १८ अंकले घट्यो, १ अर्ब ८१ करोडमाथिको कारोबार

काठमाडौं । आज साता कारोबारको चौथौ दिन अर्थात बुधबार शेयर बजार दोहोरो अंकले घटेको छ ।

कारोबारको अघिल्लो दिन बढेको शेयर बजार आज १८ अंकले घटेर २००४ को विन्दुमा कायम भएको हो ।

यस्तै, शेयर बजारमा आज कारोबार भएका २८२ कम्पनीहरुको ७० लाख ६१ हजार ४०४ कित्ता शेयर खरिद बिक्री हुदा कुल १ अर्ब ८१ करोड ४३ लाख रुपैयाँको कारोबार भएको छ ।

यसअघि मंगलबार नेप्से परिसूचक १८ अंकले बढेर २०२२ को विन्दुमा कायम भएको थियो भने ८७ लाख ४ हजार ४७७ कित्ता शेयर किनबेच हुँदा २ अर्ब ९ करोड ३८ लाख बराबरको कारोबार भएको थियो ।

आज कारोबार भएका सबै उपसूचक समेत राताम्मे भएका छन् ।