हेटौंडामा राष्ट्रिय भलिबल आजबाट सुरु
तु खबर संवाददाता२०८० जेष्ठ १६, मंगलवार ०९:३६
मकवानपुर । हेटौंडामा आजबाट खुल्ला राष्ट्रिय भलिबल प्रतियोगिता सुरु हुने भएको छ ।
उक्त प्रतियोगिता स्व. केशवलाल श्रेष्ठ स्मृति केन्द्रीय प्रतिष्ठान र मकवानपुर जिल्ला भलिबल संघको संयुक्त आयोजनामा हुन लागेको हो ।
हेटौंडा उपमहानगरपालिका मुख्य प्रायोजक रहेको प्रतियोगितामा ७ वटा टिमको सहभागिता रहेको छ ।
हेटौंडा–४, हुप्रचौरस्थित भलिबल कोर्टमा हुने उक्त प्रतियोगिताको उद्घाटन खेल मकवानपुर जिल्ला भलिबल टिम र गण्डकी प्रदेशको भलिबल टिमबीच प्रतिस्पर्धा हुनेछ ।