स्कुलमा गोली चल्दा ६ जनाको मृत्यु
एजेन्सी२०७९ चैत्र १४,मंगलवार ०९:१५
काठमाडौं । अमेरिकाको टेनेसीमा एक निजी स्कुलमा गोली चल्दा ६ जनाको मृत्यु भएको छ । न्यासभिलस्थित क्रिश्चियन स्कुल कोभेन्टमा गोली चल्दा तीन बालबालिकासहित ६ जनाको मृत्यु भएको बीबीसीले जनाएको छ ।
मृत्यु हुने विद्यार्थीहरु ९ वर्ष मुनिका रहेका छन् । मृत्यु भएका अन्यमा स्कुलकी प्रमुख, शिक्षिका र सुरक्षा गार्ड छन् । उक्त स्कुलमा एक युवतीले असाल्ट राइफल र ह्याण्ड गनबाट अन्धाधुन्द गोली चलाएकी थिइन् । ती युवती पनि प्रहरीको गोली लागेर मारिएकी छन् ।
प्रहरीका अनुसार २८ वर्षीया महिला आन्ड्रे हेलले स्कुलका अवोध बालबालिकाहरुलाई निशाना बनाउनुको कारण भने खुलेको छैन ।
