हेटौंडाका एक युवक प्रहरीको फन्दामा

मकवानपुर । मकवानपुर प्रहरीले लागूऔषध खैरो हेरोइनको धुलोसहित एक जनालाई पक्राउ गरेको छ । पक्राउ पर्नेमा हेटौंडा उपमहानगरपालिका वडा नम्वर ३ बस्ने १९ वर्षीय राजेन्द्र कामी रहेको जिल्ला प्रहरी कार्यालय मकवानपुरका प्रहरी नायव उपरीक्षक (प्रवक्ता) टेकबहादुर कार्कीले जानकारी दिए ।

प्रहरी नायव उपरीक्षक कार्कीका अनुसार, कामीलाई ३ ग्राम ५०० मिलिग्रामसहित बुधबार साँझ हेटौंडा उपमहानगरपालिका वडा नम्वर १० न्युरेनीबाट पक्राउ गरेको हो ।

जिल्ला प्रहरी कार्यालय मकवानपुरबाट खटिएको प्रहरीले जाँच गर्ने क्रममा उनको साथबाट सो परिमाणको लागूऔषध बरामद भएपछि उनलाई पक्राउ गरिएको हो । पक्राउ परेका उनीमाथि आवश्यक अनुसन्धानका साथै कानूनी प्रकृया अगाडि बढाइएको जनाएको छ ।