हेटौंडा ८ को ताजा मत परिणामः ३९३१ गन्दा कसले कति मत पाए ?

मकवानपुर । हेटौंडा उपमहानगरपालिका वडा नम्वर ८ को मतगणना जारी रहेको छ । हालसम्म ३ हजार ९३१ मत गणना भएको छ । जसमा मेयर पदमा राप्रपाका उम्मेदवार दिपक सिंहले सबैभन्दा कम मत प्राप्त गरेका छन् । उनले ९३० मत ल्याएका हुन् ।

त्यसैगरी, गठबन्धनकी मिना लामाले १ हजार १११ मत प्राप्त गरेकी छिन् भने नेकपा एमालेका उम्मेदवार अनन्त पौडेलले १ हजार ५०७ मत प्राप्त गरेका छन् ।

त्यस्तै, उपप्रमुखमा गठबन्धनका राजेश बानियाँलाई १ हजार ८६६ मत, एमालेकी सुमित्रा काफ्लेलाई १ हजार ६९२ मत प्राप्त भएको छ । वडा अध्यक्ष पदमा गठबन्धनको तर्फबाट कांग्रेसका रामकृष्ण थापाले १ हजार ९७२ मत र एमालेका बोलबहादुर कार्कीले १ हजार ७५४ मत ल्याएका छन् ।