आज नेप्से ४९ अंकले बृद्धि, ६ अर्बमाथिको कारोबार

तु खबर संवाददाता
२०७८ पुष २७,मंगलवार १६:२९
file-photo

काठमाडौं । आज साताको तेस्रो दिन मंगलबार पनि नेपाली शेयरबजारमा हरियाली छाएको छ । अघिल्लो दिन १९ अंकले बढेको नेप्से परिसूचक आज ४९ दशमलव १९ अंकले बृद्धि भएर २ हजार ८३४ विन्दुमा कायम हुन पुगेको छ ।

आज नेप्से १.७७ प्रतिशतले नेप्से परिसूचक बृद्धि हुँदा ६ अर्ब ७२ करोड ४५ लाख २६ हजार १९७ रुपैयाँको कारोबार भएको छ । नेप्सेमा सूचीकृत २३२ कम्पनीको १ करोड १९ लाख ७० हजार २१५ कित्ता शेयर किनबेच हुँदा सोही रकम बराबरको कारोबार हुन पुगेको हो । साथै नेप्सेमा कारोबारमा आएका कम्पनीहरुमध्ये आज पाँच कम्पनीको शेयरमा सकारात्मक सर्किट लागेको छ ।

सर्किट लाग्ने कम्पनीहरुमा नारायणी डेभलपमेन्ट बैंक, नेपाल फाइनान्स, पोखरा फाइनान्स, कर्पोरेट डेभलपमेन्ट बैंक र मध्यभोटेकोशी रहेको छ । त्यस्तै, आज अपि पावरको सर्वाधिक १६ करोड भन्दा माथिको कारोबार भएको छ ।