बुधबार महिलालाई सार्वजनिक विदा

तु खबर संवाददाता
२०७८ आश्विन ११, सोमबार १७:१३

जनकपुरधाम । प्रदेश २ सरकारले असोज १३ गते बुधबार महिलालाई सार्वजनिक विदा दिने भएको छ । मधेसका महिलाहरुको ठूलो पर्व जितियाको अवसर पारेर प्रदेश सरकारले महिलाहरुलाई सार्वजनिक विदा दिने निर्णय गरेको हो । मुख्यमन्त्री लालबाबु राउतले सोमबार जितिया पर्वको शुभकामना दिँदै आगामी असोज १३ गते महिलाहरुलाई सार्वजनिक विदा दिने जानकारी हुन् ।

मुख्यमन्त्री राउतले सन्तानप्रति आमाको स्नेह झल्काउने यस पर्वले प्रदेशभरी नै आस्था र प्रेम कायम गरोस् भनी शुभकामना दिएका छन् ।जितिया पर्व सोमबारदेखि शुरु भएको छ । मंगलबार बिहानीपख आँगनमा घिरौलाको पातमा दही र केरा चढाएपछि यो ब्रत शुरु हुन्छ । यो ब्रत शुरु भएपछि महिलाहरु निराहार रहने गर्छन् ।