कुवेतबाट काठमाडौं आइपुगे १४९ जना नेपाली
तु खबर संवाददाता२०७७ जेष्ठ ३०, शुक्रबार १५:२०
काठमाडौं । कुवेतबाट १४९ जना नेपाली महिला कामदारलाई स्वदेश ल्याइएको छ ।
कुवेत सरकारले जजिरा एयरलाइन्सको जे ९ १५४१ नम्बरको उडानमार्फत ७ जना बालबालिकासहित १ सय ४९ जना नेपाली कामदारलाई शुक्रबार (आज) बिहान नेपाल ल्याइदिएको हो ।
कुवेतले यसअघि हिजो २ सय ९९ जनालाई आफ्नै खर्चमा नेपाल ल्याइदिएको थियो ।
गैरकानुनी रूपमा कुवेत बसेर आममाफी पाएका नेपाली महिला कामदारलाई कुवेत सरकारले नेपाल पठाएको हो ।
कुवेतबाट प्राथमिकतामा परेका नेपालीलाई ल्याउनका लागि अर्को उडान असार २ गते, ५ गते, ७ गते र १० गते हुने तय भएको छ ।