सीमानाका जेठ १८ गतेसम्म बन्द हुने
तु खबर संवाददाता२०७७ बैशाख २४, बुधबार १४:४४
काठमाडौँ । सरकारले सीमा नाका जेठ १८ गतेसम्म बन्द गर्ने निर्णय गरेको छ ।
बुधबार बसेको मन्त्रीपरिषद् बैठकले भारतलगायत नेपालसँग जोडिएको विभिन्न देशका सीमानाका जेठ १८ गतेसम्मका लागि बन्द गर्ने निर्णय गरेको हो ।
साथै बैठकले कोरोनाभाइरस (कोभिड–१९) संक्रमण रोकथाम तथा नियन्त्रणको लागि सरकारले जारी गरेको लकडानको थप कडाई गर्ने पनि निर्णय गरेको छ ।
यस्तै सरकारले अन्तराष्ट्रिय र राष्ट्रिय हवाई उडानमा लगाएको प्रतिबन्धलाई बढाएर जेठ १८ सम्म पुर्याएको छ । यसअघि यो प्रतिबन्ध जेठ २ सम्म जारी गरिएको थियो ।
मन्त्रिपरिषद्ले लकडाउन जेठ ५ गतेसम्म जारी राख्ने निर्णय पनि गरेको छ ।