जापानले अस्वीकार गर्‍यो अमेरिकी प्रस्ताव

एजेन्सी
२०७७ असार १५,सोमबार ०८:०७

जापानले दक्षिण कोरियालाई जी ७ मा समावेश गर्ने अमेरिकी प्रस्तावलाई अस्वीकार गरेको छ । जापानको न्युज एजेन्सी क्योदोका अनुसार जापानले चीन र उत्तरकोरियासँग सम्बन्धित मुद्दाहरुमा दक्षिण कोरियाको जी ७ मुलुकहरुको भन्दा फरक मत रहेको भन्दै अमेरिकी प्रस्तावलाई अस्वीकार गरेको हो ।

स्मरणरहोस्ः अमेरिकी राष्ट्रपति डोनाल्ड ट्रम्पले यसअघिको जी ७ शिखर सम्मेलनमा भारत लगायत रुस, अष्ट्रेलिया र दक्षिण कोरियालाई पनि समावेश गर्न प्रस्ताव अघि सारेका थिए । उनले जी ७ लाई पुरानो करार दिएर यो विश्व्यापी परिदृष्यसँग मिल्ने प्रसंग भएको बताएका थिए ।

अमेरिका, बेलायत, जापान, क्यानडा, जर्मनी, फ्रान्स र इटाली पहिले देखिनै विश्वका सात प्रमुख अर्थव्यवस्थाको समूहमा सामेल छन् । एसियाबाट जापानको मात्र प्रतिनिधित्व रहेको छ । न्युज एजेन्सीका अनुसार एसियाबाट पाएको यो विशेष दर्जालाई जापान गुमाउन चाहाँदैन । यो वर्षको जी ७ शिखर सम्मेलन यसै महिनामा आयोजना गर्ने तय भएपनि कोरोना महामारीका कारण सेप्टेम्बरमा सारिएको छ ।


यसमा तपाइको मत

Your email address will not be published. Required fields are marked *


*