आज बस्ने काँग्रेस पदाधिकारी बैठकले उम्मेदवारको टुंगो लगाउने
तु खबर संवाददाता२०७६ कार्तिक १७, आईतवार ०९:३२
मकवानपुर, १७ कात्तिक । प्रमुख प्रतिपक्षी दल नेपाली काँग्रेसको पदाधिकारी बैठक आज दिउँसो बस्दैछ ।
सभापति शेरबहादुर देउवा निवास बुढानिलकण्ठमा आज बस्ने बैठकले आसन्न उपनिर्वाचनमा पार्टीका तर्फबाट उम्मेदवारको टुंगो लगाउने कांग्रेसले जनाएको छ ।
पदाधिकारी बैठकमा पार्टीका बरिष्ठ नेता रामचन्द्र पौडेल र अर्का नेता कृष्णप्रसाद सिटौला पनि सहभागि हुनेछन् ।
आज बस्ने पदाधिकारी बैठकले उम्मेदवारको टुंगो लगाउने कांग्रेस प्रवक्ता विश्वप्रकाश शर्माले जानकारी दिए । उनले केन्द्रीय समितिको निर्देशन र सुझाव बमोजिम पदाधिकारीले निर्णय गर्ने बताए ।