१० गते नेपाल बन्द गर्ने विप्लवको घोषणा
तु खबर संवाददाता२०७६ असार ६, शुक्रबार १८:२५
मकवानपुर । प्रहरीले आफ्ना जिल्ला इन्चार्ज मारेको भन्दै नेत्रविक्रम चन्द विप्लव नेतृत्वको नेपाल कम्युनिस्ट पार्टीले १० गते नेपाल बन्दको घोषणा गरेको छ ।
नेपाल बन्द गर्नेसहितका चार दिने आन्दोलनका कार्यक्रम घोषणा गरिएको विप्लवले जारी गरेको विज्ञप्तीमा उल्लेख छ ।
सर्लाही जिल्ला इन्चार्ज कुमार पौडेलको प्रहरीले हत्या गरेको भन्दै विप्लवले आन्दोलनका कार्यक्रमहरु घोषणा गरेका हुन् ।
विज्ञप्तिमा उल्लेख भएअनुसार असार ७ गते प्रचार प्रसार,८ गते कोणसभा तथा घरदैलो, ९ गते मसाल जुलुस र १० गते नेपाल बन्दको घोषणा गरेको छ।