डलरको भाउ घट्यो, अन्य मुद्राको विनिमय दर कति?

काठमाडौं । नेपाल राष्ट्र बैंकका अनुसार आज असार २६ गते एक अमेरिकी डलरको भाउ ४ पैसाले घटेर खरीददर १३६.८२ रुपैयाँ र बिक्रीदर १३७.४२ रुपैयाँ कायम भएको छ।

यस दिन एक अष्ट्रेलियन डलरको खरीदमूल्य ८९.५४ रुपैयाँ र बिक्रीमूल्य ८९.९३ रुपैयाँ, १० जापानिज यनको खरीदमूल्य ९.३४ रुपैयाँ र बिक्रीमूल्य ९.३८ रुपैयाँ र एक कतारी रियालको खरीदमूल्य ३७.५४ रुपैयाँ र बिक्रीमूल्य ३७.७१ रुपैयाँ तोकिएको छ।

त्यसैगरी एक मलेसियन रिंगिटको खरीददर ३२.२६ रुपैयाँ र बिक्रीदर ३२.४० रुपैयाँ, १०० दक्षिण कोरियन वनको खरीददर ९.९९ रुपैयाँ र बिक्रीदर १०.०३ रुपैयाँ र एक कुवेती दिनारको खरीददर ४४७.८७ रुपैयाँ र बिक्रीदर ४४९.८३ रुपैयाँ निर्धारण भएको छ।