मकवानपुर रिकभरिङ समूहलाई सहयोग

मकवानपुर । लागूऔषध दुर्व्यसनीहरुको बिचमा काम गर्दै आएको संस्था मकवानपुर रिकभरिङ समूहलाई डाइनिङ टेबल र कुर्सी सहयोग प्राप्त भएको छ ।

समूहलाई हेटौंडा उपमहानगरपालिका ११ नम्बर वडा कार्यालयले ३० हजार रुपैयाँ बराबरको डाइनिङ टेबल र कुर्सी सहयोग गरेको हो ।

वडाध्यक्ष जुना दाहाल र सचिव जीवन ढुङ्गेलले समूहको कार्यालयमा पुगेर समूहका महासचिव सन्दिप शाक्यलाई १६ थान कुर्सी र ४ थान डाइनिङ टेबल सहयोग गरेका हुन् ।

हाल मकवानपुर रिकभरिङ समूहमा ४९ जनाले सेवा लिइरहेका छन् ।

सहयोग हस्तान्तरण कार्यक्रममा मकवानपुर रिकभरिङ समूहका कार्यक्रम संयोजक उद्धव केसी, कोषध्यक्ष विनोदलाल श्रेष्ठ लगायतको सहभागिता रहेको थियो ।