सभामुख घिमिरेले संसद बैठकअघि सचेतकहरुसँग छलफल गर्दै
तु खबर संवाददाता२०८० माघ १९, शुक्रबार १७:०८
काठमाडौं । सभामुख देवराज घिमिरेले संसदमा प्रतिनिधित्व गर्ने राजनीति दलका सचेतक र प्रमुख सचेतकहरुसँग छलफल गर्ने भएका छन् ।
सभामुख घिमिरेले संसद बैठकअघि सचेतकहरुसँग छलफल गर्न लागेको उनको सचिवालयले जनाएको छ ।
संघीय संसदको हिउँदे अधिवेशन यही माघ २२ गतेबाट सुरु हुँदैछ ।
सभामुखले संसदको अधिवेशन तयारी सम्बन्धमा छलफल गर्न शुक्रबार दिउँसो ४ बजे सिंहदरवारस्थित आफ्नै कार्यकक्षमा बस्ने गरी प्रमुख सचेतक र सतेकहरुलाई छलफलका लागि आह्वान गरेका हुन् ।
सभामुखले यसपटकदेखि संसदीय क्यालेन्डर लागू गर्ने तयारी गरेका छन् ।
