दुर्घटनामा परेर मकवानपुरका लामाको मृत्यु
तु खबर संवाददाता
मकवानपुर । धरान–चतरा सडकखण्ड अन्तरगत पर्ने मकवानपुरको बकैया गाउँपालिका वडा नम्वर ३ हात्तिसुडेमा मंगलबार सवारी दुर्घटना हुँदा एक जनाको मृत्यु भएको छ ।
मंगलबार राति १० बजेको समयमा हात्तिसुडेबाट श्रीपुरतर्फ जाँदै गरेको प्रदेश २ ०३ ०१८ प २५५७ नम्वरको मोटरसाइकल आफै अनियन्त्रित भई सडकको नालिमा खसी दुर्घटना हुँदा एक जनाको मृत्यु भएको जिल्ला प्रहरी कार्यालय मकवानपुरले जनाएको छ ।
मृत्यु हुनेमा मोटरसाइकल चालक बकैया–५ श्रिपुर बस्ने अन्दाजी ३० वर्षीय श्याम लामा रहेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
उनका अनुसार, दुर्घटना परेर लामा गम्भीर घाइते भएका थिए । घाइते उनलाई उपचारको लागि हेटौंडा–११ थाहाभर्याङस्थित चुरेहिल अस्पतालमा लगिएकोमा चिकित्सकले मृत घोषणा गरेका हुन् ।
मृतक लामाको शव पोस्टमार्टमको लागि हाल हेटौंडा अस्पतालमा रािखएको जनाइएको छ ।