बरिष्ठ पत्रकार कौशल पाण्डेको निधन
तु खबर संवाददाता
मकवानपुर । नेपाल पत्रकार महासंघ मकवानपुरका पूर्वसभापति कौशल पाण्डेको निधन भएको छ । हेटौंडा उपमहानगरपालिका वडा नं. ४ स्थित उनको निवासमै निधन भएको हो । लामो समयदेखि कलेजोको क्यान्सरबाट पीडित पाण्डेको बिहीबार साँझ निधन भएको हो । २०५८ सालमा नेपाल पत्रकार महासंघ मकवानपुरको सभापति भएका पाण्डे २००४ साल पुस १५ गते जन्मिएका हुन् ।
क्रान्तिकारी पत्रकार संघका केन्द्रीय सल्लाहकार एमव् मकवानपुरका संस्थापक अध्यक्ष पाण्डे साहित्यकारको रुपमा पनि परिचित नाम हो । हेटौंडाबाट प्रकाशन हुने प्रयास साप्ताहिकका प्रकाशक सम्पादक रहेका पाण्डे प्रेस काउन्सिल पुरस्कारबाट पुरस्कृत र सम्मानित भएका छन् । श्यामप्रसाद शर्मा स्मृति प्रतिष्ठानका अध्यक्ष समेत रहेका पाण्डेले लामो समय प्रध्यापक पेशामा समेत क्रियाशील रहे ।
तु खबर डटकम पाण्डेप्रति भावपूर्ण श्रद्धाञ्जली व्यक्त गर्दछ ।