बागमती प्रदेशद्वारा खेलकुद नीति तयार गर्न समिति गठन

मकवानपुर । बागमती प्रदेश सरकारले आफ्नो खेलकुद नीति तयार गर्नको लागि प्रारम्भिक मस्यौदाको तयारी गरेको छ । प्रारम्भिक मस्यौदालाई परिष्कृत गरी मस्यौदा बनाउनको लागि खेल विज्ञ हरिहर लाल श्रेष्ठको संयोजकत्वमा ५ सदस्यीय समिति गठन गरिएको छ ।

समूहको सदस्यहरूमा क्रमशः डा.अच्युत लामिछाने, श्रीराम भण्डारी, एलिसा थापा र देवनारायण चौधरी रहेका छन् । समितिले तीन महिनाभित्र अन्तिम मस्यौदा तयार गरि प्रदेश खेलकुद विकास परिषद्, बागमती प्रदेशलाई हस्तान्तरण गर्नेछ ।

उक्त मस्यौदालाई परिषद्ले प्रदेश भित्रका खेलाडी तथा सरोकारवाला व्यक्तिहरुसँग बृहत छलफल गरेपछि मात्रै मन्त्रालयमा पेश गर्नेछ । खेलकुद नीतिमा प्रदेश सरकारले आगामी दिनमा गर्ने खेलकुद विकाससम्बन्धी सम्पूर्ण कार्यक्रमहरुको मार्गदर्शन गर्नेछ ।