पानीमा डुबेर बालिकाको मृत्यु
तु खबर संवाददाता२०७९ श्रावण ५, बिहीबार १७:५३
मोरङ । मोरङमा पैनीको पानीमा डुबेर बालिकाको मृत्यु भएको छ । जिल्लाको पथरी शनिश्चरे–९ सगरमाथा चोकस्थित पैनीको पानीमा डुबेर तेह्रथुम छ थर गाउँपालिका–३ घर भई हाल पथरीशनिश्चरे ९ मा बस्दै आएका कुमार लिम्बुको १९ महिनाकी छोरी स्नेहा लिम्बुको मृत्यु भएको प्रहरीले जनाएको छ ।
प्रहरीका अनुसार, बालिकाको आँगनमा खेल्ने क्रममा नजिकै रहेको पैनीको पानीमा डुबेर मृत्यु भएको हो । इलाका प्रहरी कार्यालय पथरीबाट खटिएको प्रहरी टोलीले मृतकको शवलाई पोष्टमार्टमका लागि मंगलबारे अस्पताल पठाएको छ । उक्त घटनाको बारेमा आवश्यक अनुसन्धान गरिरहेको जनाइएको छ ।