सुदूरपश्चिम प्रदेशका मुख्यमन्त्री भट्टले आज विश्वासको मत लिंदै
तु खबर संवाददाता२०७८ जेष्ठ २५, मंगलवार ०८:२९
धनगढी । सुदूरपश्चिम प्रदेशका मुख्यमन्त्री त्रिलोचन भट्टले आज प्रदेशसभामा विश्वासको मत लिने भएका छन् ।
प्रदेशसभा सचिवालयका सचिव रामसिंह धामीका अनुसार मुख्यमन्त्री भट्टले मंगलबार बिहान ९ बजे बस्ने प्रदेशसभा बैठकमा विश्वासको मत लिने भएका हुन् ।
मुख्यमन्त्रीले प्रदेशसभामा पेश गरेको विश्वासको प्रस्तावको पक्ष, विपक्ष र तटस्थ बस्ने प्रदेशसभा सदस्यका लागि समेत छुट्टाछुट्दै मत खसाल्ने व्यवस्था गरिएको उनले बताए ।
मुख्यमन्त्री भट्टले संविधानको धारा १८८ बमोजिम विश्वासको मत लिन आइतबार प्रदेशसभा सचिवालयमा प्रस्ताव दर्ता गराएका थिए ।