मकवानपुरका ७ पालिकाले आज बजेट प्रस्तुत गर्दै
तु खबर संवाददाता२०८१ असार ११,सोमबार १०:४३
मकवानपुर । मकवानपुरका ७ वटा पालिकाले आगामी आर्थिक वर्ष २०८१–०८२ को लागि बजेट प्रस्तुत गर्दैछन् ।
जिल्लाका ७ वटा गाउँपालिकाले आगामी आवको लागि सोमबार अनुमानित बजेट प्रस्तुत गर्ने भएको हो ।
आज जिल्लाको भीमफेदी, कैलाश, राक्सिराङ, मकवानपुरगढी, मनहरी, बकैया र बागमती गाउँपालिकाले विनियोजित बजेट सार्वजनिक गर्न लागेको हो ।
जिल्लामा १० मध्ये ३ स्थानीय तहले भने यसअघि नै बजेट सार्वजनिक गरिसकेका छन् । जसमा हेटौंडा उपमहानगरपालिका, थाहा नगरपालिका र इन्द्रसरोवर गाउँपालिका रहेका छन् ।