गाडीको ठक्करबाट एक जनाको मृत्यु

तु खबर संवाददाता
२०८१ जेष्ठ १०,बिहीबार १०:४०
सांकेतिक तस्वीर

काठमाडौं । ललितपुर महानगरपालिका–१७ ग्वार्कोमा गाडीको ठक्करबाट एक जनाको मृत्यु भएको छ ।

मृत्यु हुनेमा सिराहा घर भई कोटेश्वर बस्दै आएका ३२ वर्षीय जयनाथ यादव रहेको प्रहरीले जनाएको छ ।

प्रहरीका अनुसार, प्रदेश ०२–०१–००२ प ९१७५ नम्बरको मोटरसाइकललाई राति १० बजेतिर ग्वार्कोमा पहिचान नभएको गाडीले ठक्कर दिएको थियो ।

गाडीको ठक्करबाट गम्भीर घाइते भएका यादवलाई उद्धार गरी बी एन्ड बी अस्पताल पुर्याइएकोमा चिकित्सकले मृत घोषणा गरेको जनाइएको छ ।

मृतक यादवको शव अस्पतालमै राखिएको ।

सीसीटीभीको भिडियो हेर्दा मोटरसाइकललाई टिपरले ठक्कर दिएकोको जस्तो देखिएको भएपनि पुष्टि भइनसकेको र घटनाको बारेमा प्रहरीले आवश्यक अनुसन्धान गरिरहेको छ ।