बागमती नदीमा डुबेर खड्काको मृत्यु
तु खबर संवाददाता२०८१ बैशाख ५, बुधबार १८:०६
काठमाडौं । गोकर्णेश्वर नगरपालिका–१ ओख्रेनी चिलाउनेस्थित बागमती नदीमा डुबेर एक जनाको मृत्यु भएको छ ।
मृत्यु हुनेमा १९ वर्षीय युवक अनिल खड्का रहेको प्रहरीले जनाएको छ ।
प्रहरीका अनुसार, खड्काको पौडी खेल्ने क्रममा डुबेर मृत्यु भएको हो ।
मृतक खड्का रामेछापको उमाकुण्ड गाउँपालिका–२ घर भई काठमाडौं सितापाईला बस्दै आएका थिए ।