हेटौंडा–११ मा तीन महिने सिलाइकटाइ तालिम समापन

मकवानपुर । हेटौंडा उपमहानगरपालिका वडा नम्वर ११ स्थित आयोजित तीन महिने आधारभूत सिलाइकटाइ तालिम समापन भएको छ ।

स्थानीय विपन्न बचत तथा ऋण सहकारी संस्थाले आयोजना गरेको उक्त तालिम समापन भएको हो ।

तालिम समापन कार्यक्रम सहकारीका अध्यक्ष कमलचन्द्र सुमनको सभाध्यक्षता एवम् हेटौंडा–११ की वडाध्यक्ष जुना दाहालको प्रमुख आतिथ्यतामा भएको हो ।

सो क्रममा तालिम लिने महिलाहरुलाई प्रमाणपत्र वितरण पनि गरिएको थियो ।

कार्यक्रममा भुमि अधिकार मञ्चका जिल्ला उपाध्यक्ष देवकृष्ण थोकर, सिमल्टार टोल विकास संस्थाका सहसचिव टंकबहादुर गुरुङ, सदस्य छेगु गोलेलगायतको सहभागिता रहेको थियो ।