हेटौंडा भेट्रान्सको फाइनल खेल आज हुँदै
तु खबर संवाददाता२०८० फाल्गुन २६, शनिबार ०९:४३
मकवानपुर । हेटौंडामा जारी नवौं राष्ट्रिय हेटौंडा भेट्रान्स कप एट ‘ए’ साईड रनिङ शिल्ड फुटबल को फाइनल खेल आज हुँदैछ ।
हेटौंडा भेट्रान्स क्लबको आयोजनामा हेटौंडा ५, स्थित क्याम्पा रंगशालामा जारी प्रतियोगिताको फाइनल आज हुने भएको हो ।
आज दिउँसो २ बजेदेखि सुरु हुने प्रतियोगिताको उपाधिको लागि किङ्गकम भेट्रान्स काठमाडौं र बानेश्वर फ्रेण्डसिप काठमाडौंंबीच प्रतिस्पर्धा हुने आयोजकले जनाएको छ ।
प्रतियोगिताको विजेता र उपविजेत टिमले क्रमशः एक लाख ११ हजार एक सय ११ रुपैयाँ र ५० हजार ५ सय ५५ रुपैयाँ प्राप्त गर्नेछन् ।
प्रतियोगितामा १८ वटा क्लबहरुले सहभागिता जनाएका थिए ।