हेटौंडाबाट लागूऔषधसहित तीन युवक पक्राउ

मकवानपुर । मकवानपुरको हेटौंडा उपमहानगरपालिका–११ थानाभर्याङबाट प्रहरीले अवैध लागूऔषध गाँजासहित तीन युवकलाई पक्राउ गरेको छ ।

प्रहरीले ५३ किलो ५९० ग्राम लागुऔषध गाँजासहित मनहरी गाउँपालिका–२ बस्ने २७ वर्षीय राजकुमार स्याङ्बो, २४ वर्षीय पलगु राजकुमार स्याङ्बो र २३ वर्षीय राम कुमार स्याङ्बोलाई पक्राउ गरेको मकवानपुरका प्रहरी नायव उपरीक्षक लक्ष्मी भण्डारीले जानकारी दिए ।

उनका अनुसार, उनीहरुलाई जिल्ला ट्राफिक प्रहरी कार्यालय मकवानपुर र अस्थायी प्रहरी पोष्ट थानाभ¥याङबाट खटिएको प्रहरीले पक्राउ गरेको हो ।

प्रहरीले ग.२३ प ६४३८ नम्बरको मोटरसाइकललाई जाँच गर्ने क्रममा मोटरसाइकलमा सवार राजकुमार र पलगुको साथबाट करिब ३५ किलो ८०० ग्राम गाँजा र बा.प्र.०३००५ प ८९८४ नम्बरको मोटरसाइकलमा सवार राम कुमारको साथबाट करिब १७ किलो ७९० ग्राम गाँजा बरामद गरिएको प्रहरी नायव उपरीक्षक भण्डारीले बताए ।

पक्राउ परेका उनीहरुलाई मकवानपुर जिल्ला अदालतबाट १२ दिनको म्याद अनुमति लिएर थप अनुसन्धान कार्य अगाडि बढाइएको प्रहरी नायव उपरीक्षक भण्डारीले बताए ।