बसको ठक्करबाट पुरुषको मृत्यु
तु खबर संवाददाता२०८० मंसिर १५,शुक्रबार १०:५०
बाँके । बाँकेमा गएराति बसको ठक्करबाट एक पुरुषको मृत्यु भएको छ ।
मृत्यु हुनेमा राप्तिसोनारी गाउँपालिका–८, ओभरीका ४० वर्षीय केशव कुँवर रहेका छन् ।
महेन्द्रनगरबाट काठमाडौँ गइरहेको बसले ठक्कर दिँदा उनी गम्भीर घाइते भएका थिए । घाइते उनको उपचारको क्रममा मृत्यु भएको इलाका प्रहरी कार्यालय कोहलपुरले जनाएको छ ।
प्रहरीले बस चालक धर्मराज तिमिल्सिनालाई नियन्त्रणमा लिई घटनाको बारेमा आवश्यक अनुसन्धान गरिरहेको छ ।
