ट्रकको ठक्करबाट हेटौंडाकी बजगाईँको मृत्यु
तु खबर संवाददाता२०८० मंसिर ३,आईतवार १६:०१
मकवानपुर । कान्तिलोकपथ सडकखण्ड अन्तरगत पर्ने मकवानपुरको हेटौंडा उपमहानगरपालिका वडा नम्वर ६ शान्तिटोलमा आज दिउँसो ट्रकको ठक्करबाट एक जनाको मृत्यु भएको छ ।
दिउँसो पौने २ बजेको समयमा शिबम सिमेन्ट फ्याक्ट्रीबाट हेटौंडा बजारतर्फ आउँदै गरेको ना ७ ख १८१६ नं.को सिमेन्ट लोड गरेको ट्रकले ठक्कर दिँदा एक जनाको मृत्यु भएको हो ।
मृत्यु हुनेमा पैदलयात्री स्थानीय अन्दाजी ३८ वर्षीया निरा बजगाईँ रहेको जिल्ला प्रहरी कार्यालय मकवानपुरले जनाएको छ ।
मकवानपुर प्रहरीका अनुसार, बाटो क्रस गर्ने क्रममा ठक्कर दिँदा बजगाईँको घटनास्थलमै मृत्यु भएको हो ।
प्रहरीले गाडी, गाडी चालकलाई नियन्त्रणमा लिई घटनाको बारेमा आवश्यक अनुसन्धान गरिरहेको जनाएको छ ।