कैलालीमा जिप दुर्घटना हुँदा चार जना घाइते
तु खबर संवाददाता२०८० कार्तिक २५,शनिबार ०९:५०
धनगढी । कैलालीको मोहन्याल गाउँपालिका–४ को बजेडीमा शुक्रबार साँझ जिप दुर्घटना हुँदा चार जना घाइते भएका छन् ।
डोकेबजारबाट खिमडीतर्फ गइरहेको भे १ ज ६१६३ नम्बरको जिप ब्रेक फेल भएर दुर्घटना हुँदा चार जना घाइते भएको प्रहरीले जनाएको छ ।
उक्त दुर्घटनामा परेर डोटीको बडिकेदार गाउँपालिका–३ बस्ने ३९ वर्षीया सरिता बुढा, ३३ वर्षीय मनिष रोक्का, मोहन्याल गाउँपालिका–४ बस्ने ५० वर्षीया धनसरा मास्के र ३९ वर्षीया कमला पुन मगर घाइते भएका हुन् ।
प्रहरीका अनुसार, घाइते उनीहरुको घोडाघोडी अस्पतालमा उपचार भइरहेको छ । पाँचै जनाको अवस्था मध्यम रहेको छ ।
प्रहरीले विप चालकलाई नियन्त्रणमा लिई घटनाको बारेमा आवश्यक अनुसन्धान गरिरहेको जनाएको छ ।
