गोहीको आक्रमणबाट महिलाको मृत्यु
तु खबर संवाददाता२०८० भाद्र ३१,आईतवार ०९:४६
चितवन । चितवनमा गोहीको आक्रमणबाट एक जना महिलाको मृत्यु भएको छ ।
मृत्यु हुनेमा पूर्वी चितवनको रत्ननगर नगरपालिका–५ स्थित मगरटोलका ४४ वर्षीय फगुना महतो रहेका छन् ।
शनिबार साँझ महतो डुङ्गाघाट क्षेत्रमा मृत अवस्थामा फेला परेको चितवन राष्ट्रिय निकुञ्जले जनाएको छ ।
महतो माछा मार्न जाँदा गोहीले आक्रमण गरेको हुनसक्ने जनाइएको छ ।
