प्रधानमन्त्रीद्वारा मन्त्रिपरिषद् बैठक आह्वान
तु खबर संवाददाता२०८० भाद्र २९,शुक्रबार ०९:५४
काठमाडौं । प्रधानमन्त्री पुष्पकमल दाहाल (प्रचण्ड) ले मन्त्रिपरिषद् बैठक आह्वान गरेका छन् । बैठक आज अपराह्न ४ बजे बस्ने गरी आह्वान गरेका हुन् ।
प्रधानमन्त्री तथा मन्त्रिपरिषद्को कार्यालय सिंहदरबारमा बस्ने बैठकमा समसामयिक राजनीतिक घटनाक्रम र नियमित एजेन्डाको विषयमा छलफल हुने बताइएको छ ।
साथै प्रधानमन्त्री प्रचण्डले आफ्नो आसन्न विदेश भ्रमणका विषयमा पनि बैठकमा जानकारी गराउनेछन् । प्रधानमन्त्री प्रचण्ड संयुक्त राष्ट्रसङ्घको मुख्यालय न्यूयोर्कमा हुन लागेको संयुक्त राष्ट्रसङ्घको ७८ औँ महासभामा भाग लिन शनिबार त्यसतर्फ प्रस्थान गर्ने कार्यसूची रहेको छ ।
