नेपाली बजारमा सुनचाँदीको भाउ घट्यो

काठमाडौं । नेपाली बजारमा बुधबार सुन र चाँदीको भाउ घटेको छ । नेपाल सुनचाँदी व्यवसायी महासंघका अनुसार, सुनको भाउ प्रतितोलामा ८ सय र चाँदीको भाउ प्रतितोलामा १५ रुपैयाँले घटेको हो ।

भाउ घटेसँगै बुधबार छापावाल सुन प्रतितोला एक लाख ११ हजार २००, तेजावी सुनको भाउ प्रतितोला एक लाख १० हजार ६०० रुपैयाँमा कारोबार भइरहेको छ ।

यसअघि मंगलबार एक लाख १२ हजार रुपैयाँमा छापावाल र एक लाख ११ हजार ४५० रुपैयाँमा तेजावी सुन कारोबार भएको थियो ।

यस्तै, आज चाँदीको भाउ प्रतितोला एक हजार ३९० रुपैयाँमा कारोबार भइरहेको छ । मंगलबार चाँदी प्रतितोला एक हजार ४०५ रुपैयाँमा कारोबार भएको थियो ।