मकवानपुरको भीमफेदीमा किशोरीको शव फेला
तु खबर संवाददाता२०८० श्रावण २१,आईतवार ०९:३९
मकवानपुर । मकवानपुरको भीमफेदी गाउँपालिका वडा नम्वर ८ माण्डुस्थित बागमती खोलामा आज बिहान एक जना किशोरीको शव फेला परेको छ ।
उक्त शव हाल नाम, थर, बखत नखुलेको मगंलियन अनुहारकी अन्दाजी १६ वर्षीया किशोरीको रहेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
प्रहरी नायव उपरीक्षक कार्कीका अनुसार, ती किशोरीको शव बागमती खोलाबाट माण्डु हाईडोपावरको पानी जम्मा गरी फोहोर छुट्ट्याउने ठाउँमा फेला परेको हो ।
हाल घटनास्थलमा प्रहरी चौकी सिस्नेरी र इलाका प्रहरी कार्यालय भीमफेदीको टोली रहेको छ । शवको मुचुल्का उठाउने कार्य भइरहेको प्रहरी नायव उपरीक्षक कार्कीले बताए ।