नेप्सेमा १३ अंकको वृद्धि, २० अर्ब १४ करोडमाथिको कारोबार

काठमाडौं । यो साता सेयर बजार परिसूचक नेप्सेमा १३ अंकको वृद्धि भएको छ । अघिल्लो साताको अन्तिम कारोबार दिन अर्थात् जेष्ठ ३२ गते (जुन, १५) मा २ हजार ४२ अंकमा रहेको नेप्से सूचक यो साता १३.४६ अंकले बढ्दै २ हजार ५५.५३ अंकको विन्दुमा पुगेको छ ।

यस साताको कारोबार रकममा समेत सुधार हुँदै २० अर्ब १४ करोड ७ लाख ७ हजार रुपैयाँ बराबरको सेयर कारोबार भएको छ । साताको पहिलो कारोबार दिन असार ३ गते एकै दिन ५२.२५ अंकले नेप्से बढेकोमा दोस्रो, तेस्रो र चौथो दिन क्रमशः २.९४ अंक, २६.५६ अंक र १४.०५ अंकले नेप्से घटेको थियो भने साताको अन्तिम कारोबार दिन बिहीबार ४.७५ अंकले बढेर नेप्सेले बिट मारेको हो ।

यो सातामा २४ अर्ब २३ करोड १० लाख रुपैयाँले पुँजिकरण बढ्दै ३० खर्ब १० अर्ब ४३ करोड १० लाख रुपैयाँ पुगेको हो । अघिल्लो २९ खर्ब ८६ अर्ब १९ करोड ५० लाख रुपैयाँ बजार पुँजिकरण रहेको थियो ।