हेटौंडामा दोस्रो विजयी यूथ गोल्डकप हुँदै

मकवानपुर । मकवानपुरको हेटौंडामा यही असार ५ गतेदेखि दोस्रो विजय यूथ गोल्डकप हुने भएको छ । आयोजक विजय यूथ क्लबले शनिबार हेटौंडामा पत्रकार सम्मेलनको आयोजना गरी सो बारे जानकारी गराएको हो ।

उक्त गोल्डकप असार ५ गतेदेखि १५ गतेसम्म हेटौंडा–५ स्थित पिप्ले क्याम्पा रंगशालामा संचालन हुनेछ । प्रतियोगितामा मकवानपुरका १६ वटा क्रियाशिल फुटबल क्लबले सहभागिता जनाउने क्लबका अध्यक्ष सुदिप राजबहाकले जानकारी दिए ।

प्रतियोगितामा हेटौंडा फुटबल एकेडेमी, विजय यूथ क्लब, हटिया भेट्रान्स क्लब, ढल्केजोवान एफसी, रिगल हेटौंडा रिसोर्ट मकवानपुर, नागस्वती एफसी, पदमपोखरी युनाइटेड, हर्नामाडी यूथ क्लब, एफसी विजय यूथ, अग्रसर यूथ क्लब, समाजकल्याण एफसी, बागमती प्रदेश प्रहरी गण, चाइना पब्लिक यूथ क्लब, चौकीटोल यूथ क्लब, पशुपति युवा क्लब र हेटौंडा फुटबल एकेडेमी ए को सहभागिता रहने भएको हो ।

प्रतियोगिताको विजेताले नगद २ लाख ट्रफी, मेडल र प्रमाण पत्र पाउने छन् भने उपविजेताले नगद १ लाख प्राप्त गर्नेछन् । त्यस्तै, प्रतियोगितामा सर्वोउत्कृष्ट हुने खेलाडीले ५ लाख बराबरको जीवन बीमा प्राप्त गर्नेछन् ।

यसैगरी विधागत रुपमा उत्कृष्ट हुने खेलाडी र प्रशिक्षकले जनही ५/५ हजार प्राप्त गर्नेछन् भने प्रत्येक खेलको म्यान आफ द म्याचलाई पनि नगदको पुरस्कारको व्यवस्था रहेको आयोजकले जनाएको छ ।