अपडेट : हेटौंडामा भेटिएको शवको सनाखत

तु खबर संवाददाता
२०७९ माघ १०,मंगलवार १७:३०
सांकेतिक तस्वीर

मकवानपुर । मकवानपुरको हेटौंडामा आज बिहान भेटिएको शवको सनाखत भएको छ ।

बिहान साढे १० बजेको समयमा हेटौंडा उपमहानगरपालिका वडा नम्वर १८ गुम्बाडाँडा मुनि रहेको खोलामा भेटिएको शवको सनाखत भएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।

उक्त शव चितवनको राप्ति नगरपालिका वडा नम्वर २ गडौली बस्ने ५५ वर्षीय गोपालप्रसाद खतिवडाको रहेको मकवानपुरका प्रहरी नायव उपरीक्षक कार्कीले बताए ।

उनका अनुसार, खतिवडाको शव पोस्टमार्टमको लागि हेटौंडा अस्पतालमा लगिएको छ ।

खतिवडाको मृत्यु के कारणले भएको हो भन्ने विषयमा आवश्यक अनुसन्धान गरिरहेको उनले बताए ।