आजबाट अभियान लघुवित्तको आईपीओ बिक्री खुल्ला

तु खबर संवाददाता
२०७९ श्रावण १८,बुधबार ०९:५६
file-photo

काठमाडौं । अभियान लघुवित्त वित्तीय संस्था लिमिटेडले आजदेखि सर्वसाधारणका लागि साधारण शेयरको निष्कासन तथा बिक्री खुल्ला गर्ने भएको छ । कम्पनीले प्रति शेयर रु एक सय अङ्कित रु ९ करोड ७५ लाख मूल्य बराबरका ९ लाख ७५ हजार कित्ता आईपीओ सर्वसाधारणमा निष्कासन गर्न लागेको हो ।

कम्पनीको सार्वजनिक आह्वान पत्रअनुसार निष्कासन गर्न लागेको कुल ९ लाख ७५ हजार कित्ता शेखरमध्ये जारी पूँजीको शून्य दशमलव ५ प्रतिशत अर्थात् १२ हजार पाँच सय कित्ता कर्मचारीका लागि तथा पाँच प्रतिशत अर्थात् ४८ हजार सात सय ५० कित्ता सामूहिक लगानी कोषलाई सुरक्षित गरी बाँकी नौ लाख १३ हजार सात सय ५० कित्ता शेयर खरिदका लागि सर्वसाधारणले यही साउन २२ गतेसम्म आवेदन दिन सक्नेछन् ।

उक्त अवधिमा माग बमोजिम आवेदन नपरे आगामी भदौ १ गतेसम्म समय थप हुने पत्रमा उल्लेख छ । निष्कासन गरिएको शेयरमा लगानीकर्ताले न्यूनतम १० कित्तादेखि ३ हजार कित्ताका लागि आवेदन दिन सक्नेछन् ।