सरकारले फेरि राहत प्याकेज ल्याउने

तु खबर संवाददाता
२०७८ श्रावण ६,बुधबार १६:२४
file-photo

काठमाडौं । अर्थमन्त्री जनार्दन शर्माले सरकारले कोरोना प्रभावित अर्थतन्त्रलाई उकास्न राहत तथा पुनर्उत्थानको प्याकेज ल्याउने बताएका छन् ।

नेपाल उद्योग परिसंघको वार्षिक साधारणसभालाई सम्बोधन गदै अर्थमन्त्री शर्माले सो कुराका जानकारी दिएका हुन् ।

अर्थमन्त्री शर्माले आयातमुखी अर्थतन्त्रलाई निर्यातमुखी बनाउनुपर्ने चुनौती रहेकोले बताउँदै त्यसका लागि सरकारले आवश्यक सम्भावनाका विषयमा छलफल गरिरहेको बताए ।

उनले स्वदेशमा उत्पादन भएका सामग्रीहरुलाई स्वदेशमा उपयोग गरेर देशको अर्थतन्त्रलाई माथि उठाउन सकिने धारणा व्यक्त गरे ।

सिएनआइले घोषणा गरेको मेक इन नेपालको खुलेर प्रशंशा गरे ।

रोजगार बृद्धि तथा अर्थतन्त्र सुदृढका लागि मेक इन नेपाल उपयोगी सावित हुने उनले बताए ।