२०७५ साल जेठ २ गते भएको सम्झौता कार्यान्वयन नभएको प्रचण्डको गुनासो
तु खबर संवाददाता२०७७ असार १०, बुधबार १६:२६
काठमाडौं । नेपाल कम्युनिष्ट पार्टी (नेकपा) अध्यक्ष पुष्पकमल दाहाल (प्रचण्ड) ले तत्कालीन माओवादी र एमालेवीच २०७५ साल जेठ २ गतेको सम्झौता कार्यान्वयन नभएको गुनासो गरेका छन् ।
पार्टी अध्यक्ष प्रचण्डले बुधबार दिउँसो बालुवाटारमा आयोजित नेकपा स्थायी कमिटीको बैठकको उद्घाटन सत्रमा सम्बोधन गर्दै दुई पार्टीबीच भएको सम्झौता अनुरुष कार्यान्वयन नभएको गुनासो गरेका हुन् ।
तत्कालीन एमाले र माओवादीवीच ०७५ जेठ ३ गते औपचारिक रुपमा एकीकरण भएको थियो । जसमा ओली र प्रचण्डले आलोपालो सरकारको नेतृत्व गर्ने भनिएको थियो ।