मकवानपुर प्रहरीद्वारा ११ वटा ट्रक तथा ट्याक्टर नियन्त्रण

मकवानपुर, १४ जेठ । अबैध रुपमा नदीजन्य पदार्थ ढुवानी गरेको भन्दै मकवानपुर प्रहरीले ११ वटा ट्रक तथा ट्याक्टरलाई नियन्त्रणमा लिएको छ ।

आर्यतबार जिल्ला प्रहरी कार्यालय मकवानपुर तथा मातहत समेतबाट खटेको प्रहरी टोलीले मकवानपुरका बिभिन्न स्थानबाट ११ वटा ट्रक तथा ट्याक्टर नियन्त्रणमा लिएको हो । प्रहरीका अनुसार ना ७ ख ३९८७ नम्बरको मिनि ट्रक तथा ना ६ त ५२२, ना २ त ८३५१, ना ३ त ८६११, ना ३ त २६५०, ना ५ त ६८६५, ना ६ त ५४२४, ना ५ त ८०८८, ना ६ त १३६२, ग १ त ११३२ र ना ५ त ५३६८ नम्बरको ट्याक्टरहरुमा नदिजन्य पदार्थ बालुवा,ढुङ्गा,गिट्टी लोड गरेको र नियमानुसारको कर छली गरी ओसारपसार गरेको भन्दै ती ट्याक्टरहरुलाई नियन्त्रणमा लिइएको हो
।
नियन्त्रणमा लिइएका ट्याक्टर तथा ट्रकलाई आवश्यक कारबाहीको लागि जिल्ला समन्वय समितिको कार्यालय मकवानपुरमा पठाईएको जिल्ला प्रहरी कार्यालय मकवानपुरले जनाएको छ ।