बाघको आक्रमणबाट महिलाको मृत्यू, २ जना घाईते

मकवानपुर, १२ चैत । मकवानपुरको मनहरि गाउँपालिका–७ रमौली प्रतापपुरमा बाघको आक्रमणबाट आज एक महिलाको मृत्यु भएको छ । साथै बाघले दुई जनालाई समेत घाईते बनाएको छ ।

त्यहाँस्थित राप्ती नदी किनारामा ड्यामको नजिकै बाघको आक्रमणबाट स्थानीय ४१ वर्षीया सरस्वती बर्तौलाको मृत्यु भएको इलाका प्रहरी कार्यालय मनहरीका प्रहरी निरीक्षक चित्रबहादुर घलेले जानकारी दिए ।

उनका अनुसार गणेशमान थिङ र लालबाबु अर्जेल समेत बाघको आक्रमणमा परि घाईते भएका छन् । उनीहरूको अहिले उपचार भइरहेको छ ।